Velflest söfn heims eru afslappandi eða jákvætt örvandi fyrir gesti og gangandi en það á engan veginn við um safn eitt vestur í Michigan í Bandaríkjunum. Þar gefur að líta muni á borð við Ku Klux Klan búning, hengingaról og yfir níu þúsund aðra muni sem notaðir voru reglulega til að níðast á blökkumönnum.

Sögu kynþáttahaturs í Bandaríkjunum gerð góð skil á safni einu vestur í Michiganfylki
Sögu kynþáttahaturs í Bandaríkjunum gerð góð skil á safni einu vestur í Michiganfylki

Hér er um að ræða Jim Crow Museum of Racist Memorabilia eða safn ýmissa muna frá þeim tíma þegar enginn hvítur Bandaríkjamaður þótti merkilegur pappír nema níða blökkufólk niður í svaðið og ganga helst lengra en það.

Safnið hefur vakið miklar deilur um hvort slíkir munir eigi yfir höfuð heima á opnu safni en safnstjórinn, sem sjálfur er svartur, segir það enga spurningu. Slíkir munir tengist sögu Bandaríkjanna og kynþáttahaturs sem var sannarlega við lýði í landinu á síðustu öld og er reyndar við lýði enn þann dag í dag á einstöku stöðum í landinu.

En fáum á að koma gagnrýni á óvart með tilliti til að ekki er dregin dula yfir nokkurn hlut og margir þeir sem safnið sækja koma út ævareiðir, illir og móðgaðir enda verið óþægilega minntir á að saga Bandaríkjanna er fjarri því að vera saga lands hinna frjálsu.

Safnið er staðsett í Ferris State háskólanum í borginni Big Rapids og er opið alla virka daga frá 12 til 17. Frá Chicago tekur um þrjár stundir að komast til Big Rapids og litlu lengur frá Toronto í Kanada.