Köld eru kvennaráð segir máltækið en þar kemur hvergi fram að hafa beri vara á sér í Hong Kong sérstaklega.

Erlendir karlmenn ættu að hafa varann á sér í Hong Kong.

Kínverski fjölmiðillinn South China Post greinir frá því að lögregla í þeirri ágætu borg leiti nú ákaft að GENGI AFRÍSKRA KVENNA sem virðast hafa það að lifibrauði að tæla og ræna erlenda ferðamenn í borginni.

Fjölmargar kærur hafa borist lögreglu síðustu vikur og mánuði og allar lýsa þær konum af afrísku bergi brotnum sem spila sig sætar og skemmtilegar á börum í rauða hverfi borgarinnar. Þegar út á götu er komið eða inn á hótelherbergi tekur allt annað og verra við og menn bæði lamdir og rændir með hjálp annarra kvenna sem bíða úti á götu eða er hleypt inn á hótelherbergi um leið og færi gefst.

Nú kosta drykkir í rauða hverfi Hong Kong hreint engin ósköp á íslenskan mælikvarða og því leikur einn að drekka drjúgt og jafnvel bjóða hinum og þessum með jafnvel þó menn séu á lyftaralaunum hjá HB Granda. Með tilliti til að FÆSTIR leggja fram kæru til lögreglu þegar ungar stúlkur plata þá upp úr skónum er líklega best að hætta slíku meðan lögregla klórar sér í kollinum vegna afríska gengisins.