Nú á dögum þegar enginn þykir ýkja merkilegur pappír nema hanga í illþefjandi líkamsrækt helst 24 stundir sjö daga vikunnar er kannski ráð að minna á að fólk sem gengur reglulega er alla jafna grannholda.

Skemmtilegt myndband um ferðalag þriggja félaga frá Bandaríkjunum. Ef bara fjölskyldumyndböndin væru svona fín...

Það flaska nefninlega ansi margir á að líkamsrækt á ekki aðeins að vera holl heldur líka skemmtileg og þeim er finnst puð á pöllum, spinning á spítti og megalöng maraþon spennandi eru að gera þetta vitlaust. Reynið bara að halda uppi lengri samræðum um spinning og sprikl í jólaboðinu eða á ættarmótinu og ritstjórn Fararheill skal hundur heita í heild sinni ef einhver sýnir því meira en yfirborðsáhuga.

Nei. Líkamsrækt er tómt hjóm ef hugurinn er ekki ræktaður með og leiðin til þess er að ferðast. Ekki til Benídorm eða Kanarí eina ferðina enn heldur taka skrefið út fyrir þægindarammann.

Eins og þrír bandarískir félagar gerðu fyrir ári síðan þegar þeir þvældust um heim allan á tveimur jafnfljótum, tóku allsérstakar myndir sem sjá má hér að neðan og munu kveikja ferðaneista í hjörtum hjartlausra manna. Um það er auðvelt að ræða í jólaboðinu.