Allt er nú til. Fréttablað Jóns Ásgeirs Jóhannessonar, skattsvikara, býður þennan daginn upp á nokkrar kostaðar síður frá opinberum menntastofnunum. Þar á meðal heilsíðu frá endurmenntunardeild Háskóla Íslands um kosti þess að heimsækja Tenerife????????

Einhver fegursti hluti Tenerife á Kanaríeyjum er bærinn Masca og nágrenni. En þarf virkilega námskeið í HÍ til að vita það?

Kræst olmætí!

Endurmenntunarstofnun Háskóla Íslands, þú veist, háskólanum sem fær tugmilljarða árlega frá skattgreiðendum, finnst brýn þörf á að kynna „leyndardóma Tenerife“ fyrir óvitibornum landanum. Ekki aðeins það heldur býður skólinn upp á annað námskeið um dásemdir þess að kaupa gistingu hjá Airbnb á ferðalögum! Um þetta má allt lesa hér.

Við hér höfum nokkrar spurningar…

A)  Er þjóðin virkilega svo heimsk að endurmenntunardeild HÍ þarf að útlista fyrir henna dásemdir fjarlægrar eyju? Erum það bara við eða er ekki búið að finna upp internetið svo fólk geti nú sjálft áttað sig á hinum og þessum dásemdum og leyndardómum á fjarlægum slóðum?

B)  Er það virkilega príma stöff að opinber stofnun kynni kosti þess að kaupa gistingu gegnum Airbnb. Sama Airbnb og greiðir ekki sent í skatta í tugum landa heims og berst á hæl og hnakka gegn hvers kyns opinberum afskiptum?

Virkilega vel farið með skattpeninga…