S ökum gríðarlegra vinsælda popplagsins Gangnam Style fyrir fáum árum er Suður Kórea óvenjulega mikið á vörum fólks í vestrænum löndum. En það er líka í því landi sem einn umdeildasti útigarður heims fyrirfinnst.
Jeju Loveland heitir sá og það veltur á sýn hvers og eins á kynlíf hvort listaverk þess garðs flokkast sem erótísk eða klámfengin.
Garðurinn sá opnaði árið 2004 á eyjunni Jeju við suðurströnd Suður Kóreu og vakti töluverðar deilur og athygli á þeim tíma. Hann vekur ennþá athygli en minna fer fyrir deilunum. Garðurinn reyndar fyrir nokkru orðinn skyldustopp hjá nýgiftu fólk í landinu.
Blyðgunarsamir Íslendingar ættu alveg að sleppa ferð hingað enda er hér að finna hundruð skúlptúra af ýmsum stærðum og gerðum sem sýna kynlíf og samveru fólks. Það í sjálfu sér kannski ekki í frásögur færandi en hér er þó gengið skrefinu lengra.
Hér má til dæmis sjá skúlptúra af fólki í hinum ýmsu kynlífsstellingum og að framkvæma ýmislegt það sem koma roða í kinnar eldra fólks. Hér er 30 metra langur tittlingur úr mósaík og kvikmyndir og kynningar á öllu því er telst til kynlífs.
Heimasíða Jeju Loveland hér fyrir áhugasama.