Hórmangarar og vændiskonur að færa sig upp á skaftið með sífelldum auglýsingum á fölskum forsendum sem ferðafélagar? Það gæti verið raunin á tveimur vinsælum vefum sem báðir auglýsa grimmt ferðafélaga til handa öllum sem vilja.

Ein stúlknanna sem vill ferðast með „hverjum sem vill greiða fyrir“ en allnokkrir slíkir vefir bjóða slíka þjónustu Ein stúlknanna sem vill ferðast með „hverjum sem vill greiða fyrir“ en allnokkrir slíkir vefir bjóða slíka þjónustu
Ein stúlknanna sem vill ferðast með „hverjum sem vill greiða fyrir“ en allnokkrir slíkir vefir bjóða slíka þjónustu

Ferðaáhugafólk sem vafrað hefur um netheima undanfarin ár gæti hafa rekist á netauglýsingar frá vefmiðlum á borð við Travelgirls.

Þar óska ungar og yfirleitt fjallmyndarlegar stúlkur eftir ferðafélaga hingað og þangað um heiminn. Og hvaða lausi karlmaður með vasa fulla af peningum og draum um heimsreisu getur staðist ungar stúlkur á aldrinum 20 til 30 sem gjarnan vilja slást í förina og til í alls kyns ævintýri að því er fram kemur á vefnum?

Reyndar ekki eingöngu fallegar stúlkur sem vilja förunaut heldur líka karlmenn svo því sé haldið til haga, en hlutföllin þó körlum mjög í hag.

Travelgirls er reyndar alls ekki eini slíki vefurinn þarna úti. Annar vinsæll er Miss Travel þar sem „ferðalög verða sexí“ eins og það er orðað. Þar hefur reyndar orðið sú breyting að sá var áður kynntur sem ferðavefur en nú orðið sem stefnumóta/ferðavefur. Aftur hér eru það þó karlmenn í 95 prósent tilvika sem reiðubúnir eru að borga fyrir ferðafélaga og mun fleiri stúlkur en strákar sem óska eftir slíku boði.

Báðir vefir fremur varasamir að sjá og þó ekki sé hægt að fullyrða neitt er vandséð hvað „fátæk“ stúlka sem ferðast með ríkum karli þúsundir kílómetra frá heimili sínu eigi að gera ef karlmaðurinn vill eitthvað fyrir sinn snúð.

Leave a Reply