Foreldrar gera mistök. Þannig er það bara og verður alltaf. En sum mistök eru töluvert fávitalegri en önnur. 

Blaðrað um ekki neitt á netmiðlum. En blöðrur er leið líkamans að vernda viðkvæma líkamshluta. Skjáskot

DV vitnar í blogg Evu Daggar Albertsdóttur á fésbókinni í vinsælli færslu á vef sínum þennan daginn. Eva gerði þau mistök að bera ekki sólarvörn á eitt barna sinna á Tenerife áður en dúllast var af stað á sæþotu um strandlengjuna við Playa de las Americas. Eins og við manninn mælt fékk sonurinn alvarlegan snert af sólbruna og feita og digra blöðru því til sönnunar.

Eva Dögg hleypur á fésbókina eins og góðri móður sæmir og varar allar aðrar mæður við að senda börnin út í grimma sólina á Tenerife án þessa að bera á þau sólarvörn…

Dohhh!

Látum okkur nú sjá. Börnin appelsínugul eftir viku á Tenerife og móðirin telur sniðugt að vappast um á sæþotu þó eitt barnanna hafi nú ekki borið á sig sólarvörn. Hmmmmmm.

Á sjó fær fólk TVÖFALDAN skammt af sól því ekki aðeins rignir sólinni beint niður á líkamann heldur og endurkastar sjórinn sólarljósinu í allar áttir. Það er því tvöfaldur skammtur af sól að lenda á líkama fólks í sjónum en á landi.

OK, við gætum farið lengra með þetta en vitiborið fólk veit hvað við erum að tala um. Það tekur enginn sjénsa með börnin sín og allra síst undir brennheitri sól nálægt miðbaug.

Enn verra er að Eva rauk með barnið á sjúkrahús þar sem það fékk pillur og blaðran fjarlægð hið snarasta og plástur settur á meiddið.

Ef Eva hefði lesið eitthvað annað en Vikuna og Ísfólkið undanfarið ár þá ætti hún að vita að blaðra eða blöðrur á líkama fólks er einungis birtingarmynd af því þegar líkaminn (þið vitið, þetta magnaða form sem við lifum í), reynir að vernda viðkvæma líkamshluta. Þess vegna geta blöðrur orðið svona stórar; vegna þess að stórar blöðrur vernda húðina ívið betur en litlar blöðrur. Með öðrum orðum þá er líkaminn sjálfur búinn að setja allt í verndargír þegar Eva Dögg hleypur með barnið á sjúkrahús til að fjarlægja vörnina sem líkaminn sjálfur hefur komið fyrir.

Jamm, plástrar, hnífar og pillur af mannanna höndum ábyggilega betri vörn við sólarblöðrum en varnir líkamans sjálfs….

Besta vörnin er þó auðvitað forvörn en Eva Dögg hafði ekki vit á því. Nú veist þú betur.