Svo þú vilt innri frið og rósemd án þess að hafa mikið fyrir. Þjóðráð að drífa sig til Balí og láta ropa á þig.

Hinir bestu andlegu heilarar á Balí ropa til að ná fram sælu og sátt samkvæmt veruleikaþáttastjörnunni Kim Kardashian. Skjáskot

Sjaldan öll vitleysan eins.

Rákumst á þetta myndskeið á vef megastjörnunnar Kim Kardashian. Þar fer stjarnan til nokkurra heilara á eynni fallegu í von um að finna frið og ró í hjarta. Það er jú átakanlega erfitt að þurfa ekkert að vinna til að þéna tugmilljarða árlega.

Það segir sitt um andlega hnignun fólks á vesturlöndum að Kim þessi Kardashian sé stórstjarna þó hún hafi aldrei gert annað en birt myndir af sér og fjölskyldunni á YouTube.

En aðdáendur ættu endilega að drífa sig til Balí og ná andlegri fullnægingu með því að fá gamlan mann með tagl til að ropa á sig. Fátt toppar það undir sólinni…